)وجع قلب)
يا عم الحكيم هات ليا
من الصبر هنا شوية
داغاب فى الغربة سفر قلبى
وعينى بدمعى مكوية
أنا قلبى ماكنشى غشيم
أنا رمشي ماكنشى لئيم
عشان يقتل كدة ياحكيم
مشاعرى وأنا إنسية
ألوم الوقت والأشجار
يفوت الصمت بيا نهار
يعود مركب بلا بحار
على كيفك ..على كيفك
مادام قلبى فى طوق النار
مادام حبى عليا جار
خلاص فاتنى وحيد الدار
وبسأل بس فين طيفك
على كيفك...على كيفك
أنا المظلومة فى حنينى
منايا بنظرة تروينى
وفوق خدى كدة تمسح
سهاد دمعة بتكوينى
أمانة تقولة يابحار
ربيع الورد جنب البيت
جانى ياعمرى كم مرة
وأنت هناك مارديت
وصابرة لوحدى ع المرة
مين اللى قالك إن الرسايل
تقدر تعوض حرمانى
تقدر تداوى دمعى اللى سايل
وبحروفها تطفى أحزانى
أنا محتاجة تهمسلى
ونخرج تانى زى زمان
وألبس ليك وتلبسلى
فى عيد الحب كل الألوان
وأمشى وماسكة فى إيدايا
مفاتيحى..............ومحمولى
وشنطة فى كتفى ياعنيا
وأغنيلك تقول قولى
أنا وياك على عهدى
تعالى حبيبى طال سهدى
أنا بدعى وطال دمعى
وقادر ربى يوم يهدى
)وجع قلب(
بقلم الشاعر
ليست هناك تعليقات:
إرسال تعليق