مجلة مصطبة العامية المصرية - مفيش جديد - بقلمي سيد صادق

مفيش جديد ......
والكلام مبقاش يفيد
اللي جاي شكل اللي فات
يوم جراح و يوم اهات ....
ومهما قولنا التكبيرات ..
مبقتش جايبه اي عيد

بقلمي

سيد صادق

مجلة مصطبة العامية المصرية - حديثك كان حروف تايهة - بقلمي #فهمى_على

حديثك كان حروف تايهة 
على سكة امل مفقود
و قابلتنى على غفلة
لقيت نفسى معاها باعود
و باكتب لك بانغامها
حكاية .. تتحكى على عود
باقول لك فيها حبيتك
و انا لعشقك يادوب موجود
فلا تروحى و لا تغيبى
و لا تسيبى ما بينا حدود
و خلينى ف رضا روحك
انادى الخلق يبقو شهود 

بقلمي
#فهمى_على

مجلة مصطبة العامية المصرية - توب الاصول اترقع.- بقلمى اشرف السمان

توب الاصول اترقع. مابقاش صالح...... للبس

والشهم من يوم وقع. مكسور اسير .. الجبس

راح زمان البطل . وملا دقونا............. الهطل

عيشنا الفصال والمطل. وبقت الشحاته... تبس .

بقلمى

اشرف السمان

مجلة مصطبة العامية المصرية - عادي .. لو ماتوا الغلابه - بقلمي سيد صادق

عادي .. لو ماتوا الغلابه
عادي لو نسأل سنين ..
احنا رايحين بس فين... ؟
وهي واحده اﻻجابه ..
تفرق ف ايه ..؟!!
وشاغل بالك انت ليه ..؟!
اكلك .. بتاكله .
ومتبطرتش يوم عليه ..
اطلع ﻻبوك .. ما انت شكله.
عاش مغمض ف عينيه ..
اياك تقول أنك جعان ...
ولا كمان عايش مهان ..
العدل ايوه له ميزان ...
و الميزان بكفتين
واحنا اللي ف ايدينا الهموم ..
ف أي ساعه ف أي يوم
ندي حبة و ندي كوم ..
ولو مش عاجبك ب الكومين
احنا اللي ف ايدينا الالام ...
احنا اللي بنبيع الكلام ...
و انت اخرك ف المنام ..
حلم و تبت عليه ..
تفرق ف ايه ...؟!!
وشاغل بالك انت ليه ..؟!
اكلك .. بتاكله .
ومتبطرتش يوم عليه ..
اطلع ﻻبوك .. ما انت شكله.
عاش مغمض ف عنيه ..

بقلمي

سيد صادق

مجلة مصطبة العامية المصرية - قلبي عليك اتوجع - بقلمي الشاعر الغنائي رمضان القاضي

قلبي عليك اتوجع

ياللي انتا عايش جدع

صبرت كتير و متحمل

والقلب ياما اتخدع

قلبك كان كله طيبه

قلبك كان فيه حنان

لقيت دنيا غريبه

عايشة دي بس بالمال

قلبي عليك اتوجع

وشايفك كتير محتار

شايف اللي مالي وشبع

وشايف الغلابة ف نار

شايف البلد دي ف طمع

ماتقضيهوشي جبال

وماحد فيها رجع

ولا قال دي بلدي كمان

انا نفسي بلدى الجميلة

 ترجع كا زي زمان

ونبقي ايد واحدة وعيلة

وماشوف حد في احزان

ولا حد قلبه يتوجع

 ولاقي كله فرحان

وقلبي عليك اتوجع

وارحمنا يا رحمن

بقلمي 

الشاعر الغنائي

رمضان القاضي 28 / 4

مجلة مصطبة العامية المصرية - ياريت الالم ف البدن - بقلمى اشرف السمان

ياريت الالم ف البدن . ما يخش جوا القلب

راح زمان الشجن . والدنيا عدل.... وقلب

والمخلصين انتهو. ووش الحياء.. اتقلع

والحق راح وتبلع . بقا رمز المرؤه ...الكلب .

بقلمى 

 اشرف السمان

مجلة مصطبة العامية المصرية - علشان معايش - كلمات الشاعرسيد كامل

علشان معايش  
الدنيا نازله فيا طلتيش
اكمني على قد حالي
ومعايش
صابر علي بلوتي
راضى بقسمتي
وحياة العذاب إللي انا
شوفتوا فيكي
انا هبني حواليه سور
وهقفل عليا الف باب
اوعي تقولي اني انا
كداب
الدنيا نازله فيا طلتيش
علشان معايش
انا شوفت فيكي أحزان
وألهم جايني من وراء و
إقدام
ألله يسامحك يا دنيا
خلاص يا بشر
علي الدنيا السلام
إللي معاه تراعي
واللي مش بيده حاجه
علي طول تزلي فيه
ده بدل ماترحمي
بدوسي عليه وتزلي فيه
الدنيا نازله فيا طلتيش
علشان معايش 
كلمات 

الشاعرسيد كامل

مجلة مصطبة العامية المصرية - انا كنت على نفسي قاسي - بقلمي / جابر الفنجري

بقلمي 

جابر الفنجري