مصطبة العامية المصرية - مين علمك معنى الغـــرام - بقلمي أيمن خليل

مين علمك معنى الغـــرام
والمعنى في كلامك يدُوب
ويزيد معايا الانســـــــجام
لما اقرا من حرفين يادوب
إحساس مشاعرك كلـــــها
بعبــير جنــــايـــن فلـــــها
هلــت شموســـها وضــلها
لبس هوايــا بأحـلى تـــوب

النظرة من عينك ســـلام
والضحكة على خدك أمل
صدقني مش محتاج كلام
احترت قول إيه العمـــــل
رسمت بإديك ضحكــــتي
لونت ويــــاك صفحتـــي
ومليت عليــــــا دنيتـــــي
بليالي فرحــة وابتســـــام

بقلمي

أيمن خليل