مجلة مصطبة العامية المصرية - عم شلاطه - بقلمي / اسامه محمد على

عم شلاطه
@@@

عم شلاطه
مالوش ف الهوسه
والدنيا ملطشه وياه
ومرتبه من خمسه فخمسه
يخلص ويقولك لله
عم شلاطه
عم شلاطه بص لشكله
يوم ورا يوم ينسى اللى معاه
كل الناس دايماً تحلق له
ولا يعرف بقى مين سماه
عم شلاطه
عم شلاطه واسمع حرفه
يشتم دايما ف اللى أذاه
ويقولك ياض بص رزايله
واما يقولك تنسى الاه
عم شلاطه
عم شلاطه يقوم على كيفه
فى القهوه مستنى غداه
من ده سجاره وراها خياره
واهو على كده ماشى ياولداه
عم شلاطه
عم شلاطه واسأل عنه
شهم خدوم أوعك تنساه
شاف بعيونه ساعة النكسه
ونصر اكتوبر كان وياه
عم شلاطه 

بقلمي
اسامه محمد على
كافة الحقوق محفوظة
29/4/2018

مجلة مصطبة العامية المصرية - عادي ( الجزء الثاني ) بقلمي سيد صادق

#عادي 

 ( الجزء الثاني )

انا الظاهر و مش باين ....

انا الداين و متداين ......

انا اللي مهما اكون مكسور

ابان مستور و اقول عادي

انا الصح و انا الخايب

و انا اللي تملي بتعايب

انا اللي مهما اكون مجروح

ب شهقه روح بقول عادي

انا الضاحك علي همي .....

انا الشايف و متغمي ......

انا اللي مهما ف عمره يشوف

عذاب أو خوف بقول عادي

انا النكره و انا التعريف.....

انا العايش ف ضل رغيف.....

انا اللي مهما يقول الاه .....

ف أي حياه... عايش عادي

انا اللي ورايا قدامي.......

انا اللي بعت أحلامي......

انا اللي مهما انام و اقوم .....

ب اكون مهموم..... و ده العادي

بقلمي

سيد صادق

مجلة مصطبة العامية المصرية - على المصطبه - ابو عبد الرحمن المصرى

 (((عل المصطبه)))

على المصطبه
جيت ادندن واغنى

برسم غنايا
بكل روحى وفنى

من يوم ما جينا
بنقول مؤاؤيل

دا احنا يا خلق
عشاق اخر الليل

على المصطبه
كتبولى امثال

والفرحة صحبه
وبادينا هنغير الحال

لو فاكر
ان الدنيا تمنى

تعالى وشوف
دمع عينى ونني

اصل المحبه
دى زى الغربال

فى ساعة رضا
هتلاقى المصطبه

وفى اجمل ليالينا
هيهل رمضان علينا

وروحى
مع المبحوب

سيد الخلق
اجمل مافى القلوب

ما تصلو على العدنان
شفيعنا فى كل زمان

وجيناعلى
مصطبتنا

نبارك
بكل محبتنا

ورجعنا من تانى 
مع 

ابو عبد الرحمن المصرى

مجلة مصطبة العامية المصرية -من غيرك هاعيش من ديوان/ على الربابة للشاعر / مصطفى فريد

من غيرك هاعيش
من ديوان/ على الربابة
للشاعر / مصطفى فريد

تسمعى ما تسمعيش
ترجعى ماترجعيش
إللى عايزك تعرفيه
بيكى من غيرك هاعيش

الغيرة منك ليه بقت
شك وظنون ما بتنتهيش
والدنيا عندك اصبحت
كلمة عتاب مابتتنسيش
يوم معاكى الدنيا جنه
وشهر نار مابتنطفيش
ويوم بحبك ويوم كرهتك
انتى ايه ما بتتعبيش

كنت ياما كتير اسامح
وانسى ألمى عشان أعيش
وإن زعلتى كنت اصالح
واقول ياروحى ماتزعليش
النهاردة إن غبتى عنى
الغياب مايهمنيش
مهما كان مقدار حنينى
وحبى ليكى ماتخافيش
قادر انسى الحزن فيكى
ولازم انسى عشان اعيش
مش هادور يوم عليكى
إبعدى ولا ترجعيش
بس عندى كلمه ليكى
إن كرهتى ما تظلميش

من غيرك هاعيش
من ديوان/ على الربابة 
للشاعر / مصطفى فريد

مجلة مصطبة العامية المصرية - (( غريب الدار)) - الشاعر احمد فهمي

(( غريب الدار))

غريب الدار في وطني
لأحمل عتق مأساتي

كتبت الشعر في أمسٍ
يرافق نبض أناتي

غدوت برفقتي ظلي
يحاكي طيف مولاتي

تلوت ألآه في صمتٍ
أباح الصمت نجواتي

و عدت لخيبتي أبكي
وأشكي حزن ساعاتي

فويح القلب من حزنٍ
تعدى صوت آهاتي

سألت الليل عن فجر
متى يشفى منَ الآتي

رجوت الوصل لو قربت
مداركه لأوقاتي

الشاعر

 احمد فهمي

مجلة مصطبة العامية المصرية -.مصر...بقلمي فرج السقا

... مصر... 
يا أم الشعور سندسي
يام التراب حنه
دي الدنيا يام الكرم
واخده الكرم منا
والتوته مع ساقيتك
والترعه والرياح
والقعده عالمصطبه
حته من الجنه

بقلمي
فرج السقا

مجلة مصطبة العامية المصرية- المشكلة مش في الأيام - كلمات الشاعرسيد كامل

المشكلة مش في الأيام
المشكلة فيا انا وانت
اوعي تفكر جرحك
نام
لسة بفكر ارضدو
انا امتة
اوعى تفكر ترجع
ليا
ياما هتشوف علي أيدي
ازية
بكره هتنزل دمع
عيناك
زي مآ نزلت دمع
عينيا
كلمة هقولها وللمليون
زي مآ هونت عليك
أنت كمان هتهون
يا اللي هدمت معاك
كل الاحلام
وقلب تقطع ميت حتة
المشكلة مش في الأيام
المشكلة فيا انا وانت
اوعي تفكر جرحك نام
لسة بفكر ارضروده انا
امتة
المشكلة مش فى الأيام
خلاص كل اللي بينا
انتهاء
مآ كل حاجة بتعيش
ولازم تأخذ وقتها
اوعي تفكر فيا وفيك
ولا انا لسة مغرم بيك
والجرح اللي جرح تولي
أقسم بالله لارده انا
ليك
وهشوف دمعك جوة
عينياك وهسيبك ولا هسال
فيك
ياللي قتلت بابديك
غرامي اوعي تقولي
هرده انا امتة
اوعى تفكر ترجع تاني
مآ انت قتلت الغرام
المشكلة مش في الأيام
المشكلة فيا انا وانت
اوعي تفكر جرحك نام
لسة بتتكتك اروضه
انا امتة
المشكلة مش فى الأيام 
كلمات 

الشاعرسيد كامل