مايستهلوش ....
مايستهلوش ....
مالهمش فى الطيب ...نصيب
ف سيرتك راح يجيب ويعيب
أصبر اكيد دا فرجه .. قريب
وهتعــرف عدوك ..مالحبيب
دى دنيا وياما..تلقى فاشوش
مايستهلوش ....
مايستهلوش ....
سرك ف بير.... جــــوا منك
واحد يحب......عشرة تذمـك
خليك ف حالك.....أحسن لك
والخاين ان قال ..... انا منك
ده بحر غويط ..ماتنزلهوش
مايستهلوش ....
مايستهلوش ....
ف ارض من النفاق.عايشين
تصدقهم تلاقي .....خـــاينين
بوش ملاك ...وراه شياطين
تصدق مين ......وتكره مين
م الاخر انت .....متعاملوش
مايستهلوش ....
مايستهلوش ....
ف هاجر من .....أراضيهم
تسيبهم ولا ....... ترضيهم؟
تغور الضحكه.... ف عنيهم
دى ارض الملح .... تعميهم
منا عايش ف وسط هاموش
مايستهلوش ....
مايستهلوش ....
بقلمي
اسامه محمد على
28/4/2018
28/4/2018
ليست هناك تعليقات:
إرسال تعليق