قصيدة بعنوان (ياراحة
البال)
بقلم (الشاعر عرفات الأمير
مصر-قنا-الوقف-المراشدة
مصر-قنا-الوقف-المراشدة
24-12-2017
"""""""""""""""'"
"""""""""""""""'"
يا راحة البال فين رحتي
وسبتي البال متغرب
ليه فوق الشجر نحتي
وسبتي القلب مترب
دنا عشمان في نصيحة
دا ليه النبض متكهرب
دنا نفسي تقوليلي
ليه نفسي كدا بيهرب
يكونش السهر خلاكي
علي أحبابك كدا تصعب
يكونش الهم جا عليكي
وقلك يلا بينا نكدب
علي ناس عشمو يلاقوكي
في دنيا شرقها غرب
ياراحة البال تعالي أقلك
دنا حضنك دنا سرك
يكونش الناس عزالي دفعولك
يكونش الحضن عنديهم دفا عيونك
ولايكونش الظنون عندي بتلاعبني
ولا يكونش العشم خلصان
ومايجوزش عليكي اعتب
ياراحة البال فين رحتي وخليتي
العيون للدمع كدا تسكب
ياراحة البال هو حرام في دنيانا
عليكي نسأل بحجة إننا هانتعب
هو صحيح رب الناس منع إنك
تكوني معاي ولا الراحة من غيرك
عليكي تصعب
ليست هناك تعليقات:
إرسال تعليق