مجلة العاشر الأدبية - على قد الأحزان جوانا - بقلمي / حسن الأقصري

على قد الأحزان جوانا
والدنيا تمللي معندانا
لكن فرحنا بيكي يابلدي
بيغطي الحزن وبيفوت

والدمعه بتمسحها إيدينا
ومحدش فكر يواسينا
لكن دايما نكرم ضيفنا
إن شاالله من الجوع نموت

وشبابك صخر بأوجاعه
بيجيب اللقمه من دراعه
يصبر ع الجوع وع القله
ويصونك لو بالنبوت

أفديكي بروحي وأولادي
لجن تعيشي أموت أنا عادي
وارث من عزة أجدادي
عزة مينا وحتشبسوت

مهما نلف ومهما ندور
في ف جمالك حاجة تحير
حاجه ف عز الضلمه تنور
في الصخر تاريخك منحوت

أفرحلك أكتر م الفرحه
وأغزلك بدموعي الطرحه
لجن تنامي عيوني بتصحى
إن شالله أرجع في تابوت

حسن الأقصري