الوطن
-----------
الوطن . مش بس دار
الوطن أيام شبابك
الوطن لامم حاجاتك
أمنك طفولتك ذكرياتك
هو ده الحب الحقيقي
مش هزار............
الوطن . مش بس دار
-----------
كدك وغيرتك ف الوطن
حبك وجيرتك ف السكن
وهييجى يوم فيه راح تندفن
اوعك تفكر يوم تجن
تزهد فى حبه يا
تبلغ فرار............
الوطن . مش بس دار
-----------
فاكر ف أول يوم علام
وسنين التلمذه ومسك الختام
وحضن بلدك والسلام
اوعك تنام عن حمايته
واوعك مالدمار.......
الوطن . مش بس دار
-----------
وكتير كنت شايف ضحكته
أنا لسه سامع فى الإذاعه غنوته
لما يقولوا الأرض غاليه
وايه يفيد لما الأمان يختفى
وسجنى جوا دار
الوطن . مش بس دار
--------------------
اسامه محمد على
ليست هناك تعليقات:
إرسال تعليق