مجلة العاشر الأدبية - حق الشهيد - بقلمي مروان حسن

شريطة سودة ع بدلة بيضا بكتافات .

بدلة بيضا بكتفات،، نجمة دهب وع الراس كاب .
بديت حياتى تدريبات،وتحريات،لأجل أنول الترقيات.
وأبقى لواء ،، أو عميد . حلمى قريب مش بعيد .
أنا مهنتى مهنة شرف مش وجاهة أو ترف .
وهبتى نفسى لأهل وطنى وأحميهم من غدر العدو .
فى يوم خميس جاتلى أشارة مأمورية هنروح نطهر مغارة ،،
المغارة ف وسط الجبل .. لبيت ده واجبى أنى ادافع عن وطن .
يوم جمعة خدنا تمامنا شدينا الشدة وجهزنا عتادنا والسلاح .
فى العصارى والشمس مايلة للغروب .
ع المغارة كام كيلوا فاضل يادوب ..
فجأءة. !!
ضرب جاى،، من كل حتة ،من فوق تلة الجبل .
أتعاملنا مع المفاجئة منا اللى اتصاب واللى أتقتل .
كان كمين محكم متين من حد باعنا وخان ..... الوطن .
وبرغم جروحنا مكملين دمنا فدا الوطن .
وفى النهاية،،
استشهد منا كام بطل لأجل الوطن ..
وعد منى .. وعد منى يا مجرمين لأرجع تانى وأقتص منكم ..
حق الشهيد .
اللى بجبنكم ،أصبح صورة ببدلة بيضا.. وشريط أسود عريض .
رحم الله شهداء الوطن من قوات الجيش المصرى والشرطة المصرية.
Marwan Hassan