العدل مش بس كلمه نقولها
ونعيدها
العدل ده ميزان مش بغبغان يرددها
ولو ميزان العدل معووج الظلم هيسود
وف يوم موعود ربك قادريبدلها
-----------------------------------
العدل سيف على رقاب العباد ماضى
لما يكون الميزان كيف الكلام قاضى
والظلم لو ساد بحر الاذى مشهود
ولو مفيش شهود يبقى كلام فاضى
-----------------------------------
اللى بيظلم مخدوع فى طول العمر
وايه يفيده لو جــــاله الاجل بالامر
لاهينفعــــه الجــــــاه ولا كتر مال
والحق لو مال يكون اللعب بالجمر
------------------------------------
العدل لله ويوم القصاص معلوم
والظلم ليه ناس والعقاب مفهوم
اوعك من الظلم وخاف من ربك
والعدل سيف ربك على العباد محتوم
--------------------------------
ياللــى ظلمت الناس الدعوه هتصيبك
تنـــــام عنيك والمظلوم مش هيسيبك
يدعـــــــــى عليك وربك منتبه لدعاه
اوعك تكون مالطغاه وارضى بنصيبك
-----------------------------------
ياقاضى الدنيــــا شوف هتقضى لمين
ومين معاه الحق وميـن من الظالمين
دى كلمه منك يعنـــــــى بميزان العدل
وغيرميزان العــدل فالله رب العالمين
-----------------------------------
امنيتــــك مالدنيا قال ولـــــد ويمـــلا العين
يسعـــى معايا بكـده وبجده وقـوته بـيعيـن
ويكــــون سند لمـا انسند يــــــوم بعكـازى
ومهما مشيت بعكازى غصب عننا طالعين
---------------------------
ياارض الغـــربه ليـه قاسيه وكلـــك خوف
نصيبنا منــك هناخده حتـى المرارفالجوف
كفــــــايه قسوه علينا انا راضــى بنصيبى
ولوالشوك نصيبى هحصد
كفوف وكفـوف
---------------------------------------
الشاعر اسامه محمد على
ليست هناك تعليقات:
إرسال تعليق