عارفاني .. ؟! طب فكراني .. ؟!
شكلك كده .. اصلا نسياني .
انا اللي عشت أحب وادوب
انا اللي ياما رسمت قلوب
و جوه خيالك كنت ف بالك
اسمي كان دايما مكتوب
ومسحتيه انتي ف ثواني .
عارفاني ... ؟!
انا مش بعتب وﻻ ب الوم
وﻻ بشكيلك كتر هموم ..
بس انا ..... عاشق
و العاشق ب يعد نجوم
وانتي .. عارفاني .
لساكي حلوه .. لساكي حلوه.
لسه ف عيني بنت امبارح ..
لسه انا حافظ اول غنوه ..
و بغنيها ف اي مطارح ..
يوم روحناها أو مشيناها
و فاكرك وانتي سارحه معاها
كنتي حبيبتي و روحتي وسبتي
جوه ف قلبي مليون اها
عايشه محوطاني
كده .. عارفاني ؟!
-------------
سيد صادق
خالص تحياتي الاستاذ الشاعر سيد صادق
ردحذف