عشان نتصالح...
خلي دموعك تملي بحور
و عديلي سور ورا سور ورا سور
وجيب ايامك مع لياليك
و كل ما عندك و احلي ما فيك
و أولهم قلبك و عينيك
وخليهم يترصوا طابور
و يحايلوني ...و مش رجعالك
عشان نتصالح...
هات لي بكره قبل إمبارح
شوف لي فين الفكر السارح
و رجعهولي... و مش رجعالك
عشان نتصالح...
خلي القمره تفارق ليلها
و كل أحلامك تيجي شايلها
علشان افكر... و مش رجعالك
عشان نتصالح....
خلي الشمس تبطل ضي
قدامي يحلف انا مش جي
خلي الميت بعد مات
يجي قدامي واقف حي
و مش رجعالك
عشان نتصالح...
خلي الأرض تبطل لف
خلي بحور الدنيا تجف
عد نجوم السما ف الضهر
وقولي عددهم كام ب الف
و مش رجعالك
---------------------
سيد صادق
ليست هناك تعليقات:
إرسال تعليق