مجلة العاشر الأدبية - متشغلش بالك و خليك ف حالك - الشاعر سيد صادق

متشغلش بالك و خليك ف حالك
سيبهم يعوموا ف بحر العفن
والبس قديم و اسمع حليم
اخرج بنفسك بره الزمن
لو هي زحمه جواك براح
الحلو دايما ف عنينا راح
و سمي ولادك سراج او منير
و سمي بناتك شاديه و صباح
هم يومين يادوبك يومين
و شكلك مصمم تعيشهم حزين
روح الفيشاوي و زور الحسين
ومتقولش ليهم و عليهم و عندي
اعمل افندي .... هتملك وطن

سيد صادق
#ديوان_البس_قديم