جزء من اوبريت / وطن
الكل
من ديوان / راح الخوف
للشاعر مصطفى فريد
من ديوان / راح الخوف
للشاعر مصطفى فريد
عيشتى يا أرض الأزهر نور
للعالم دايما يظهر
حب الناس لكتاب الله طول عمرنا فى عنيكى
فاتحة بحب ايديكى وطن الكل ودين لله
حب الناس لكتاب الله طول عمرنا فى عنيكى
فاتحة بحب ايديكى وطن الكل ودين لله
عيشتى يا ضلة ولادى
بدر مرسوم ع الجبين
رغم أحقاد الأعادى رغم أنف المغرضين
جوه منك والا. بره إنتى حره وشئ يقين
مصر أم الكون دا كله أغلى من كل السنين
رغم أحقاد الأعادى رغم أنف المغرضين
جوه منك والا. بره إنتى حره وشئ يقين
مصر أم الكون دا كله أغلى من كل السنين
إنتى أكبر من زمانك
والزمن فيكى جنين
أرض معروفة بأمانك وبولادها الطيبين
خير جند الله جنودك فى آياته مذكورين
هى دى مصر المحبه مافيش نصارى ومسلمين
أرض معروفة بأمانك وبولادها الطيبين
خير جند الله جنودك فى آياته مذكورين
هى دى مصر المحبه مافيش نصارى ومسلمين
مصر معروفة الهويه
إسلاميه شئ أكيد
شعبها واعى وعزيمته قوة بتفوت فى الحديد
بهرت العالم مسيرته لما جاب فجره الجديد
إنتفض بالسلم أكد مطلبه بدم الشهيد
شعبها واعى وعزيمته قوة بتفوت فى الحديد
بهرت العالم مسيرته لما جاب فجره الجديد
إنتفض بالسلم أكد مطلبه بدم الشهيد
حضن مصر اللى حامينا
مينا ايده فى ايد حسين
تزعل لما نسيب بعضينا للفتنه تقسمنا اتنين
من بلسمها النيل يروينا شهد مكرر للشاربين.
واللى بيشرب مره يجينا تانى وقلبه كله حنين
تزعل لما نسيب بعضينا للفتنه تقسمنا اتنين
من بلسمها النيل يروينا شهد مكرر للشاربين.
واللى بيشرب مره يجينا تانى وقلبه كله حنين
مصر يا أجمل جيرانك
فى الإيمان انتى المنار
الإيدين بادرة غيطانك بذرة نابته بالخضار
من عرق جبين ولادك نورت شمس النهار
ع السنين الله يعينك هو دا قدر الكبار
الإيدين بادرة غيطانك بذرة نابته بالخضار
من عرق جبين ولادك نورت شمس النهار
ع السنين الله يعينك هو دا قدر الكبار
ليست هناك تعليقات:
إرسال تعليق