لقيتك ف الهوي جنبي
لقيتك ف الهوي جنبي
بتسر قلب غير قلبي
ولما قلبي بيلومك
بترد وتقول إيه ذنبي
كفايه إني باتحمل
وصابره علي غلبي
وأوقات الاقيني اتجمل
وكاتمه الحزن في قلبي
ومش قادره أعيش حبك
ومش قادره أعيش حبي
هاعيش العمر حيرانه
ما بين عقلي وبين
قلبي
قلبي يقولي اديله
كل الهنا ف ايديه
وعقلي مش راضي يخليني
أبص بعيني في عينيه
مش عارفه أريح عقلي
ولا بقلبي ارضيه
هاعيش حيرانه طول
عمري
قولولي أنا أعمل إيه؟
أنا وعقلي بيبعدني
ونا وقلبي يقربني
ولما اطاوع قلبي
ألاقي عقلي يمنعني
ولما اخالف عقلي
ألاقي قلبي يشجعني
ابات حيرانه مع عقلي
وابات سهرانه مع قلبي
لا أنا قادره أريح
عقلي
ولا اتهني أنا بحبي
ولما ترجع تسألني
هارد وأقول إيه ذنبي
مساكين ف الحب
الاتنين مساكين
ما بين العقل و القلب
محتارين
يارب هون عليهم سكة
العاشقين
واجمع ما بينهم يوم
ولا سنين
وهبه البوهي
ليست هناك تعليقات:
إرسال تعليق