مجلة العاشر الأدبية - صحي من نومه ومن احلامهُ - الشاعر سيد صادق

صحي من نومه ومن احلامهُ

وباس ايد امه وباس ايد ابوه
وصحي كمان ع الصبح اخوه
وقبل ما يمشي فجاءه نادوه
كانوا خايفين من شئ ف كلامهُ

امه سالها الجنه دي فين ؟
و هي الجنه بتبقي لمين ؟
قالت له الجنه للصالحين ..
ومسحت دمعه تبان قدامهُ

سلم اوي علي اخوه محمود
و امه بان قلبها مقبوض
و سابها وراح علي انه يعود
و دي اول مره يخلف ف كلامهُ

سيد صادق