مجلة العاشر الأدبية - انا السالك انا الهالك - الشاعر اسامه محمد على

انا السالك
أنا الهالك
ومستنيــــكى صبح وليـــل
بقنــــديلك أخــطى واميـــل
وامــــد شــراعى بالتساهيل
الاقــــــى شـــراعى شباكك
انا السالك
أنا الهالك
أنا المطحون بعيش محروم
أنا المستنى يــــوم معلــــوم
تمـــــر الضيقه ايوه ف يوم
دنا الصاحب فى أزمـاتــــك
انا السالك
أنا الهالك
عشان رغفيــــن لفطـــــارنا
طابــــــور لطــابور يوصلنا
وكلـــــه ف الغــــلا جـــارنا
وكلــــــــه يشتكي حـــــــالك
انا السالك
أنا الهالك
عايش فــــى دنـــــيا سرقانى
فى عمــــرى وصحتى بعانى
ومهمـــــا أعيش أنا فـــــــاني
ومين فى الخلـــــق مش هالك
انا السالك
أنا الهالك
وده يحــــــكي عـــن الاسـعار
يقـــــــولك رُخصها ده شعــار
بقـــــــولك ايه - بـــلاها هزار
اكيــــــــد الفــــرخه بيضــالك
انا السالك
أنا الهالك
هتحــــــكى تــانى حكايــــاتك
ياشيـــــخ نقطنــــــا بسكـــاتك
يكفينــــــا شـــــر حـــــركاتك
وسيــــــب المـــــلك للمــــالك
انا السالك
أنا الهالك
---------------------------- 
اسامه محمد على