تنويه
هذا العمل لايمت من قريب أو بعيد لأى أحداث أو مسميات تحدث الأن فهو عمل قديم وهذا هو الجزء الأول منه، فقط لزم التنويه
-------------
حكايه ناس
-------------
الجزء الأول
قبل مانحكى نصلى على النبي المختار.
--------------------------
حكايتنا عن ناس
والناس عايزه البشاره
البيت والارض لاتنين
ملك لشيخ الغفاره
والكل اجريه باللقمه
ده غير دفع الايجاره
يشقوا من الفجر لليل
ف ارض الشيخ عماره
قريه مش عالخريطه
ولابتهم الوزاره
فيها غلابه كتير
ملهمش ف الشطاره
عمدتها مقلبنجى
ومجند جيش غفاره
وشيخ بلد طماع
طمعه منع الزياره
فارض اتاوات علاوله
ومزود فى الاماره
اما الفقير ياولاد
تعبان ومريض ف داره
البيت مش عالمحاره
ولا بيشبه عماره
البيت بُنَاه من طين
م الاخر جوه حاره
السقف خوص وجريد
وتشوفه تقول عفاره
والمطرينزل من السقف
طين اخر عكاره
وابن العمده ياولاد
يمشى ف وسط الغفاره
زى الطاووس منفوش
وتشوفه تقول شيكاره
وطمعه ف حب المال
خلاه يعمل تجاره
تمص دم الغلابه
العايشين عالبصاره
اسامه محمد على
20 - 10 - 2000
20 - 10 - 2000
ليست هناك تعليقات:
إرسال تعليق