مجلة العاشر الأدبية - عم يا بتاع الكلام - بقلم الشاعر / سيد صادق

عم يا بتاع الكلام 

بعد السلام ......
قولي فين شكراً و اسف
قولي فين كلمة حرام
عم يا بتاع الكلام ...
ايه النظام ؟!
كل كلام الطيبه بعته
و اللي جبته كلام الالام
الرحمه فين و البركه فين
راحوا وضاعوا من سنين
حتي كلمة متشكرين .....
يظهر لغوها من العلام
عم يا بتاع الكلام
انت بياع مش تمام
ف كل شارع م الشوارع
بتبيع انين و تبيع مواجع
و اللي يسال وانت راجع
ع الاماني ... تقول بكام !!!!
عم يا بتاع الكلام ...
انت بياع مش تمام ...

بقلمي

سيد صادق