مجلة العاشر الأدبية - علمو ولادنا الطيابة - بقلم الشاعر / فهمي علي

علمو ولادنا الطيابة 

و المروءة و الشهامة
و ازرعو البسمة ف وشوشهم
و اخلقو فيهم كرامة
بكره هم الكون بحاله
و اللى كان الحلم فينا
النهار الجى هما
و المودة و السكينة
خلو صوت الحق فيهم
اعلا من صوت اى شئ
دين .. وطن .. ناس محتاجاهم
نورو ليهم طريق
احرقو الخوف اللى عشش
و اللى سكناه عنيهم
بدلوه بامانى طاهرة
ربو حب الضحكة فيهم
بكره جاى و اكيد هنقرا
على الوشوش و نشوفه احنا
زرعنا فيهم هيطرح
هنلاقيه و تحسه روحنا
بس دمع عيوننا يومها
و الندم هيكونو نار
نتحرق و نقول يا ريتنا
كنا عدلنا المسار 

بقلمي
#فهمى_على