مجلة العاشر الأدبية - فلسفه ضمير ميت - بقلمي سيد صادق

فلسفه ضمير ميت

ف يوم وانا ماشي
وكانت السهره صباحي
قابلت اتنين بيتخانقوا ...
ضمير ميت مع صاحي
كان الصاحي بيزعق و بيقوله
كفايه عليك العمر ده كله
عايش ميت تعالي وفوق
قال الميت
طب قولي انت يا مفتح
اديك صاحي
ووقت الجد بتصحصح 
عددكوا يطلع كام مخلوق ؟
انا غالب ومش مغلوب
بامشي الدنيا بالمقلوب
واللي يفكر يروح عندك 
بياخد الاذن انه يتوب
انا وانت سباق بينا ليوم الدين
ساعات ميت ساعات صاحي
ساعات الاتنين
وساعات بجد ساعات
بفكر أني
اكون زيك ضمير صاحي
ف يوم وانا ماشي 

وكانت السهره صباحي
قابلت اتنين بيتخانقوا

 ضمير ميت مع صاحي

بقلمي

سيد صادق