( لملم اساك)
23/1/2018
********
********
لملم شعور الأسى
و اكبر على الأحزان
دا الغالى ما بيتنسى
لكن دا حكم زمان
مهما تطول الايام
دايما اخرها فراق
و ان سعدت الاحلام
راحلين عدا و عشاق
ف عيش وقتك وخليها
تمشى مع المقادير
دا لا فرح هيحليها
و لا حزن ليه تغيير
فاغنم ساعة تكونها
عايش على ترابها
دى الدنيا تكوينها
ناكره ...........لأحبابها
شوف حكمه القيوم
و اعقل بعقل فهيم
لا فى حزن يوم بيدوم
و لا فرح ربى يديم
دواره مالهاش حد
و انينها مالى العين
دى لو ح تدوم لحد
كان اولى بيها الزين
فأرضى بحكم القدر
و أرضى ..... بالمقسوم
الموت دا فيه العبر
و لكل واحد يوم
-------
المصرى العربى الحر
الشاعر /محمد الشاذلى
ليست هناك تعليقات:
إرسال تعليق