مجلة العاشر الأدبية - زمان من مده ماتتعدش - بقلمي محمود الطباع

زمان من مده ماتتعدش

حلمت حقيقى ومش ب انتش
ابويا يجيب لى لبس غريب
وفى الشتا ﻻبسه وماتبلش

كتير كنت احلم انى ب اطير
ب احلق وسط فوج عصافير
واستغرب لما انزل ارض
صغير الحجم يبقى كبير

ولما كنت ب اتدرب
كرة سله اغير واغضب
ابص لطولى مع زميلى
اسيب لعبى واقوم اهرب

مغلب نفسى ويايا
ومش راضى باللى معايا
اقول لو كنت مطرح دول
وكل الدنيا دنيايا

كبرت وفكرى اتغير
وعقلى ماعاد بيتحير
وﻻ اطمع فى غير رزقى
مسير كنت يا مخير

بقلمي 

محمود الطباع