مجلة العاشر الأدبية - إرهاصات ختيار بالعامية - بقلم الزجال ابو سائد السيلاوي

إرهاصات ختيار 

 بالعامية

---- 
الدهِر عندي يومين

واحد راح وواحد جاي
واليوم الّلي عايش فيه

هذا لحالو يَعيني حْكاي
يوم ال عَدّا عَنا وراح

كان النغمة فوق الناي
دلِّة قهوة وفناجين

جنب النار ابريق الشاي
نتلاقى بدون مْواعيد

مانوخذ مَوعِد أو راي
أمّا الجاي بْعِلْم الغيب

نبحث عَنّو عَ الواي فاي
بالأمل بْنِحيا وبِنعيش

ونِتْرَجّى مِن ألله هْداي
نْحَلّل وِنفكّر ونقول

شو بكره بيصير معاي
يمكن نوخذ إستقلال

هذا المَطلَب هذي الغاي
يمكن بُكرَه الناس تْعود

تحلا السهرة والتحلاي
على ألله ماشَيءْ كثير

قال ادعوني بْأعلا سَماي

بقلم الزجال

 ابو سائد السيلاوي